Powered By Blogger

ლიტერატურულ-შემეცნებითი სივრცე... / Literary-cognitive space...

ლიტერატურულ-შემეცნებითი; ინფორმაცია... ესსე... პუბლიცისტიკა... რომანები... მოთხრობები... ზღაპრები... პიესები... იუმორი... სატირა... პოეზია... თარგმანი... გამოცემული წიგნები და ჟურნალები... დეკლამაციური ინტერპრეტაციები… მხატვრობა... ფოტოქრონიკა... /\ Literary-cognitive; Information… Essay… Publicism… Novels… Stories… fairy tales… Plays… Humour... Satire… Poetry… Translation… The published books and magazines... Declamatory interpretations… Painting… Photography Chronicle...

воскресенье, 4 января 2009 г.

”ტრადიციული მანევრები…” “Traditional maneuvers”…

”ტრადიციული მანევრები...” "Traditional maneuvers"...
(სატირა თავშესაქცევად…)
”ვაჟკაცოსანი”... არ ვამბობ "ვაჟკაცოსნები" მეთქი, რადგან იმ გაერთიანებაში, უდაოდ კარგი ბიჭებიც მეგულება, არც მათი მთავარი ”ვაჟკაცოსანი” უნდა იყოს მთლად გატიალებული, შესახედად მაინც... მთლიანად ამ გაერთიანების მიმართ ალალი პატივისცემით ვარ განწყობილი და ამიტომაც ვარჩიე სატირის ადრესატად მხოლოდ ”ვაჟკაცოსანი” და არა…
ამ ამბავზე ქრისტიანი ადამიანი შეიძლება კიდეც განაწყენდე და კიდეც გამხიარულდე. როგორც იტყვიან "სასაცილოა, სატირალი რომ არ იყოსო" ... მეგობარმა, ერთ თვალსაჩინო თეატრში, პოლონურიდან მის მიერ თარგმნილი პიესის კვალობაზე დადგმული სპექტაკლის სანახავად მიმიპატიჟა… (წარმოდგენა, მოციქულთა ცხოვრების ამსახველ ეპიზოდს მოიცავს).
ჰოდა, მეც მეუღლესთან ერთად დათქმულ დროზე თეატრის ფოიეში გახლდით. ლამაზ ქართულ გარემოცვაში გამოირჩეოდნენ ქართულ ნირზე შემოსილი წარმოსადეგი მამაკაცები.
მეგობარს ახლობლები ახლდნენ… მოსაწვევებზე აღნიშნული ადგილები სხვადასხვა რიგებში აღმოჩნდა და ჩვენც ორ ჯგუფად გავიყავით…
გთხოვთ გვეწიოთ ეწერა ”ბეჭედდასმულ” მოსაწვევზე, რომელიც მე მეპყრა ხელთ… თამამად ვუწინამძღოლე ჩემი ჯგუფის წევრებს, მივედი აღნიშნულ რიგთან და იქვე მდგომ სანდომიან ქალბატონს, რომელიც თეატრის თანამშრომელი იყო, მოკრძალებით ვკითხე, ეს ხომ რიგის დასაწყისი, ანუ ჩვენი ადგილებია მეთქი… არა, არა! რიგი მეორე მხრიდან იწყებაო, სწრაფად მიპასუხა მან. ჩვენც უმალ შევტრიალდით და ფოიეს მხრიდან მეორე მხარეს მივაშურეთ… არა, არა!.. ზღაპრის გმირივით გვიპასუხა იქ მდგომმა ლამაზმა გოგომ. რიგი იქითა მხრიდან იწყება! გამოვბრუნდით უკან… იქ კი, ჩვენს მოსაწვევზე მინიშნებულ ნომრიან სკამებზე, უკვე ის წარმოსადეგი მამაკაცები ისხდნენ. აშკარად იმშვენებდნენ ”ქართულ ნირზე” მორთული ატრიბუტებით შეკერილ სამოსებს…
ასეთი წარმომადგენლობის დანახვაზე, ცოტა არ იყოს შევკრთი, მაგრამ რადგან მეუღლე და ჯგუფის დანარჩენი წევრების ”დაბინავების” ამბავი მე მქონდა მონდობილი, იქ მჯდომთ მოკრძალებით, ოღონდ მათდა გასაგონად მივმართე: ”ვერ გავკადნიერდები და თქვენისთანა პატივსაცემ ადამიანებს ადგილები გაგვინთავისუფლეთ მეთქი ვერ ვაკადრებ, მაგრამ იქნებ ვითარებაში გავარკვეთ და ჩვენც რამე გვეშველეოს, თუ არადა, შინ წავალთ!”
რამდენიმე კაცი უნებლიეთ წელს ზემოთ შეინძრა, მაგრამ ის მთავარი ”ვაჟკაცოსანი” მყარად იჯდა… მხოლოდ წარბების გადათამაშებით და ჩუმი გადალაპარაკებით მიანიშნა თანმხლებთ არ ადგეთ, მაგრად დადექითო!!! (ტყუილად კი არ უთქვამს ქართველს: ვჟკაცსა _ გული რკინისა, აბჯარი _ თუნდა ხისაო).
მე ღიმილით ვანიშნე ჩემსავით მიპატიჟებულებს რა გაეწყობა მეთქი… არადა, ვინც ახლოს მიცნობს, ჩემი ასაკისდა მიუხედავად, არ ვარ ასე ადვილად დასაჩაგრი ”ყმაწვილი”. თანაც ორი ქართველი მოჭიდავე მიმშვენებდა მხარს; ერთი მათგანი ყოფილი საბჭოთა კავშირის ჩემპიონი… ეს ისე, სახუმაროდ, თორემ ან ჩემს თავს, ან იმ ”ატრიბუტებს” და მომავალ სპექტაკლს, როგორ ვაკადრებდი, სხვაგვარად ამემაღლებინა ხმა, თანაც ყველანი მიწვეული სტუმრები ვიყავით… “საცა არა სჯობს, გაცლა სჯობს, კარგისა მამაცისაგან…” ტრადიციების დამცველთა დაუწერელ კოდექსში ვგონებ, სხვა ფრთიანი გამონათქმებიც უნდა მოიძიბნებოდეს… მარტო ეროვნული ატრიბუტების აფიშირებით შორს ვერ წავალთ, მოსალოდნელია, მომავალი ”სამეფო კარის” გარემოცვაში, მსგავსი რამეები ”აშორდიას აზნაურებივით” მომრავლდეს თუ ამგვარად მიდრეკილმა გაერთიანებებმა სულისა და სამშვინელის გაძლიერებაზე აქედანვე არ იზრუნეს… და ისევ დიდი ქართველი განმანათლებლის იაკობ გოგებაშვილის გამონათქვამს მოვიშველიებ: ”სარწმუნოება, მოკლებული განათლებას, ხშირად იქცევა ვიწრო ფანატიკოსობად, ან აღმერთებს გარეგანს, დროებითს ფორმებს ეკლესიისას და ივიწყებს შინაგან მხარეს, ცხოველმყოფელს ზნეობრივ პრინციპებს, დედააზრს სახარებისას.”
მთავარმა ”ვაჟკაცოსანმა” თავისი ჟესტიკულაციით აშკარად მიგვანიშნა, მიდით მიბრძანდითო… არადა, მხატვრულ ფილმებში, მსგავს შემთხვევებში, რა მომხიბლელად იქცევიან რაინდებად შესახელებულნი, რა ვაჟკაცური მანერები აქვთ… მაგრამ, მისეული ”ტრადიციების დაცვის” უმთავრეს ატრიბუტად ალბათ, ”სკამზე გამაგრება” ითვლება… ხოლო, ”ვაჟკაცოსნისთვის” ადგილების დაჯაშვნის” მიზნით, ლამაზი პერსონებმის მიერ ჩვენი ”წრეზე გატყუება” ტრადიციულ საბრძოლო მანევრად…
ერთს, რომ მაინც, სიმბოლურად დაცდენოდა, ყველას ვერა, ოღონდ, რადგან მოსაწვევის მიხედვით თქვენთვის მიკუთვნებულ ადგილებს ვერ ველევით, ქალბატონს მაინც გამოვუძებნით ერთ ადგილს როგორმეო, ამ შემთხვევის მოსაგონებლად კალამი არ წამიცდებოდა. მაგრამ ქალბატონი, რომელიც თავის ლექსებში ქართულ სულიერებას ხშირად უმღერის, ისეთი სევდიანი თვალებით შემომაჩერდა, ვიფიქრე მის გულის მოსაოხებლად, ამათი ”ჩავარდნის” თაობაზე, რამენაირად მეც თუ ხმა არ გავიღე, ადგება და იმ ლამაზ ლექსებს მიჭრი-მოჭრის მეთქი… არადა, მსგავსი ტაეპები, იქედან რომელიმე ”ვაჟიბედურმა” თამადობის დროს, შეიძლება სადეკლამაციოდაც კი გამოიყენოს, ვთქვათ:

ძველო ღვინოვ შენახულო,
სასტუმროდ და საუცხოოდ,
არ ერგები, ვერ დაგლიონ
ზღვავ და მიწავ საუცხოო…

ფეთქავს! მაჯის შემტყობარი,
უნდა წყლურს, რომ გაამრთელოს,
აღდგეს, ისევ აღორძინდეს
ფრთებდაჭრილი საქართველო...
P.S. ჩვენ, მართლაც ვაპირებდით შინ წამოსვლას, ბედად მეგობარმა იმარჯვა და მიუხედავად იმისა, რომ ”ცნობილ სახეებს” არ წარმოვადგენდით, თეატრის ადმინისტრაციის წარმომადენლებმა მოპირდაპირე მხარეს ადგილები გამოგვიძებნეს… რისთვისაც, მადლობას მოვახსენებ მათ…
ჯანრი (ჯუანშერ) გოგეშვილი
========
საძიებელი
The index

გადაფურცლეთ წიგნები და ჟურნალები... ჯანრი გოგეშვილი, _ Look through books and magazines... Janri gogeshvili

========
JANRI A GOGESHVILI (author) on AuthorsDen
\=/
====
/\

ჩემი ბლოგები:
мои блоги:
My blogs:

ლიტერატურულ-შემეცნებითი სივრცე... / Literary-cognitive space...
.\

შინაარსი -Content:

მიჰყე:
/
სიტყვა-ქარიზმა… / Word –Charisma…
ჟამთა სვლის ფრაგმენტები... Time fragments...
***
დეკლამაციური ინტერპრეტაციები… / Declamatory inter...
***
Poetry - Janri Gogeshvili / Georgia (country)
***
Занимательные строфы / Diverting stanzas…
***
”…რეჟიმი უნდა გასამართლდეს…” / “…Режим должен быть...  
*
იმუნიტეტის პოლიციური ფუნქცია... /“არა ძალადობას”/ ”/ Police function of immunity… / ‘No violence’/

საქართველოს 9 აპრილი _ 1989-2009 / 9 April of Ge...
”იჩქარე ნელა” დასავლეთისკენ
აღმოსავლური გზების შემოვლით...
/\

ლიტერატურულ-შემეცნებითი სივრცე… / Literary-cognitive space… (WordPress.com)
თუ დაინტერესდებით:

პუბლიცისტური ტროპები

...

ტვინქამარას ტვინჩახდილი ”საჭკუეთი”... იგავ-ზღაპარი, გროტესკი თუ სინამდვილე...
...
ნაცნობი სახეების ფსიქოლოგიური შტრიხები... ("სავარძლის დისიდენტები!" _ ”გაუცვეთავი გაცვეთილები!” _ ”სუპერკალმაგირი!” _ ”მოსწრებულნი!” _ ”სუროგატი!” _ ”მოაზროვნე!” _ ”სახიფათოდ ფრთხილები!” _
=======

საძიებელი ”დატყვევებულ” საიტისა; (gogejanr.blogspot.com), რომლის ”აკაუნტიც” ჩემთვის გაურკვეველ ვითარებათა გამო ”ბლოკირებულია”...

/

გზამკვლევი... _ ინფორმაცია, ესსე, პუბლიცისტიკა, პროზა, იუმორი, სატირა, ზღაპრები, ფსიქოლოგიური შტრიხები, მოგონებების კალეიდოსკოპი, პოეზია...
========
გზამკვლევი... _ გამოცემული წიგნები; ანოტაციები, ამონაკრები კრებულებიდან, ფაქტები, ფოტოები, ჟურნალ ”ხატოვან მოტივაციების” მიმოხილვა, სტატიების ნუსხა...
========

Автор: на

Комментариев нет:

Отправить комментарий

Подписаться на: Комментарии к сообщению (Atom)

Постоянные читатели

Обо мне

Моя фотография
TBILISI, Georgia
ჯანრი გოგეშვილი,_პროზაიკოსი, პოეტი, დრამატურგი, იუმორისტი, მეზღაპრე, ესეისტი, პუბლიცისტი… /Джанри Гогешвили, _ прозаик, поэт, драматург, юморист, сказочник, эссеист, публицист.../ Janri Gogeshvili,_ prosaist, poet, playwright, humorist, storyteller, essayist, publicist…/Tbilisi,Georgia.